Глаукоманы
емдеу

Глаукома – бұл әртүрлі шығу тегі бар аурулар тобы. Алайда, ортақ белгілері: көз ішілік қысымның жоғарылауы, көру өрістерінің тарылуы, көру жүйкесі атрофиясының үдеуі. Бұл белгілер уақытында ем қолданылмаса, қайтымсыз соқырлыққа әкелуі мүмкін.
Ауру көбінесе ешбір айқын белгілерсіз дамитындықтан, “көрудің үнсіз ұрлаушысы” деп аталады және тек ауру алыс сатыға жеткенде ғана байқалады.

Кейде глаукома ұстамасы басталуы мүмкін. Бұл жағдайда көзде қатты ауырсыну, зақымданған жақта бас ауруы, көрудің күрт нашарлауы сияқты белгілер байқалады. Мұндай симптомдар пайда болғанда, дереу офтальмологқа жүгіну қажет!

Қауіп тобындағылар:

60-70 жастан асқан пациенттер, көздеріне қатысты шағымдары жоқ болса да.
40 жастан асқан адамдар, оларда:
– көз ішілік қысым қалыпты шекарасының жоғарғы шегінде;
– оң және сол көз арасындағы көз ішілік қысымның айырмасы 5 мм. рт. ст. артық;
40-50 жастан асқан жоғары дәрежедегі жақын көру (миопия) бар адамдар, жоғары дәрежедегі алыстан көру (гиперметропия) бар адамдар (әсіресе 50 жастан асқан әйелдер);
Көз ішілік қысымы жоғары адамдар, жасына қарамастан;
Қан қысымы жасқа байланысты төмен адамдар;
Диабет, эндокриндік, жүйке және жүрек-қантамыр аурулары бар адамдар;
Көз жарақаттарын алған, көздің қабыну ауруларын (увеит, иридоциклиттер және т.б.) өткерген, көзге операция жасаған адамдар;
Глаукома диагнозы бар туыстары (оның ішінде алыстағы туыстар).

Глаукоманың түрлері:

– Ашық бұрышты
– Жабық бұрышты
– Туа біткен
– Екінші

Глаукоманы диагностикалаудың негізгі әдістері:

Тонометрия — көздің ішкі қысымын өлшеу.

Гониоскопия — көздің алдыңғы камера бұрышын тексеру.

Офтальмоскопия — көздің ішкі бөлігін (көру нервін және тор қабықты) тексеру.

Пахиметрия — роговицаның қалыңдығын өлшеу.

Периметрия — көру өрістерін өлшеу.

OCT — көру нервінің дискісін оптикалық когерентті томография арқылы тексеру.